• RU
  • KZ
  • EN

Әкімнің есебі

  Шығыс Қазақстан облысының әкімі Д.Ахметовтың халық алдындағы есептік кездесуіндегі
баяндамасының тезистері (2019 жылғы 22 ақпан)
*.doc 2 MB

Ұлан ауданы әкімі Н. Сақтағановтың 2018 жылы атқарылған жұмыстар мен 2019 жылға міндеттері туралы есебінің тезистері

Елбасы Нұрсұлтан Әбішұлы Назарбаевтың нәтижелі, табысты және тиімді стратегиялық саясатының бір сатысы ретінде 2018 жылы халыққа жол тартқан «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауы өткен жылы қарқынды дамыған Қазақстанның, оның ішінде Ұлан аудынының толағай табысқа кеңеліп, жақсы жетістіктерге жетуге, алға қойған міндеттерді оң нәтижемен орындауға мүмкіндік берді. Біз, «Қазақстан 2050» Стратегиясын орындау жолындағы нақты істердің тағы бір кезеңін, әлемдік бәсекеге қабілетті болудың кезекті баспалдағын абыроймен тарих қойнауына аттандырдық.
«Рухани жаңғыру» жолындағы жасампаз халқымыз жаңарудың жалғасы болып табылатын «Ұлы даланың жеті қырын» қарсы алды.
Елбасы мақаласындағы пайымдар Ұлан ауданында өз сипатын тапты. Тарихтан тағлым алып, өткенге көз жүгіртсек, Алтай тауларының баурайында, қарт Ертістің жағасында бой көтерген, Сібе және Сандықтаспен, Айыртау және Көктаумен көмкерілген табиғаты тамаша Ұлан ауданы елі үшін туған ерлерді, ғұлама ғалымдарды тәрбиелеген киелі мекен екенін көреміз.
Аблайкит және Ақбауыр сынды қаситетті орындар – ата-бабаларымыздың ерте заманда табиғатпен үйлесім тауып, астрономиялық кеңістікті кеңінен меңгергенін айқын көрсетеді.
Біздің кешегі күніміз таң қалып, таңдай қағарлықтай терең әлі тамаша, бүгініміз бақытты, келешегіміз кемел. Халқымыздың қасиетті құндылықтары: бірлік пен ынтымақ, келсім мен достық, бейбітшілік пен жасампаздықты көздің қарашығындай сақтап, әлемнің озық отыз мемлекетінің қатарына кіру жолында аянбай еңбек ету – баршамызға ортақ міндет, қасиетті борыш.
Олай болса, бұл бағытта 2018 жылы атқарылған жұмыстардың қорытындысы және ағымдағы жылдың жоспарларымен бөлісуге рұқсат етіңіздер.
Өткен жылы Ұлан ауданының жергілікті атқарушы органдарына 1741 өтініш келіп түсті, оның ішінде 1076 (62%) өтініш қанағаттандырылды, 593 (34%) өтінішке жазбаша түсіндірме жауап берілді, жерді пайдалану мәселесіне қатысты 71 (4,0%) өтініш қанағаттандырылмады, өтініш берушінің бастамасымен 1 (0,1%) өтінішті қарау тоқтатылды.
Мемлекеттік атқарушы органдардың қызметі Елбасының «Төртінші өндірістік революция жағдайында дамудың жаңа мүмкіндіктері» Жолдауының, «Бес әлеуметтік бастама» және «Рухани жаңғыру» бағдарламаларының мән-мәтіні бойынша өмір сүру сапасын тұрақты жақсартуға, экономика мен қоғамдық сананы қайта құру стратегиялық міндеттерін шешуге бағытталған.
Өткен, 2018 жылы экономиканың базалық саласы 2017 жылмен салыстырғанда дамудың оң үрдісін сақтады.
Өндіріс өнімнің көлемі 12%-ға өсіп, 25 млрд. теңгені құрады. Негізгі капиталға тартылған инвестиция 15,2%-ға өсті (5,6 млрд. теңге). Тауар айналымының көлемі 7,8 млрд. теңгені құрап, 13%-ға өсті.
Кәсіпкерлік саласында оң серпін сақталды, қызмет көрсетіп отырған шағын бизнес субъектілерінің саны 10%-ға өсті.
Осының бәрі жергілікті бюджетке 36%-дан артық салық пен салықтық түсімдерін жинауға мүмкіндік берді (1,9 млрд. теңге).

Бұл, Елбасы Нұрсұлтан Әбішұлы Назарбаевтың тапсырмасына сәйкес Үкіметтің, облыстың дайындап, қабылдаған мемлекеттік және өңірлік Бағдарламаларының іске асырылуы нәтижесі.
Өткен жылдың жетістіктерін саралай келе, аудан тұрғындарының өмір сүру сапасы жоғарылағанын байқауға болады.
Тұрғындардың орта есеппен алғандағы жалақысы 117 мың теңгеге жетті, жұмыссыздық 0,7% деңгейінде.

Ауыл шаруашылығы аудан экономикасының маңызды саласы болып табылады. Біздің міндетіміз – азық-түлік қауіпсіздігін қамтамасыз ету және облыс орталығының азық-түлік белдігін құру, жер-су әлеуетін тиімді пайдалану, бәсекеге қабілетті өндіріс өнімдерін жасап шығару, қарқынды технологияларды енгізу есебінен өндіріс тиімділігін арттыру, корпорацияларды ілгерілетіп, қайта өңдеуді дамыту.

Ауыл шаруашылығы өнімінің көлемі 37,5 млрд. теңгені құрады (өсім – 11%), нақты көлем көрсеткіші 107%-ға жетті.
Жылқы басы – 15%-ға, шошқа – 17, сиыр – 7%-ға өсті. Ұсақ мал етіне сұраныстың төмендеуіне, жұмысшы мамандардың жетіспеуіне байланысты, қой мен ешкі басы 6%-ға төмендеді.
Өткен жылы асыл тұқымды малшаруашылығы мен ауылшаруашылық өнімдерінің өнімділігі мен сапасын арттыруға
367 млн. теңге субсидия бөлінді.
Ет өндіру 106%-ға (57,2 мың тонна), сүт – 105%-ға (196,3 мың тонна), жұмыртқа – 102,5%-ға (36,8 млн. дана) өсті.

Сауын сиыр шаруашылығын дамыту жобасы жалғасты. Жоба бойынша 4 сүт тауарлы фермасының құрылысы және 1 сүт тауарлы фермасын қайта құру қарастырылған.
2018 жылы «Алихан – Асыл» ЖШС мен «Сартепсен» ш/қ базасында екі сүт тауарлы фермасы іске қосылды.
Бүгінгі күні ферма саны – 7-ге жетті, 2021 жылға дейін 9-ға жеткізу жоспарлануда. Жоспарды іске асыру нәтижесінде сауын сиыр басы
700 басқа дейін көбейеді.
Ауданда 11 сүт қабылдайтын орын жұмыс істейді, ағымдағы жылы тағы 1 сүт қабылдайтын орын ашу жоспарлануда. Тұрғындардан 5,7 мың тонна сүт жиналып, аудан бойынша тапсырма 7%-ға артық орындалды.
«Зәулім» және «Ратмир» ауылшаруашылық өндірістік кооперативтері «Үлбі модульдық компаниясынан» сүт қабылдайтын модуль сатып алды.
Өнімді жұмыспен қамту және бұқаралық кәсіпкерлікті дамыту бағдарламасы бойынша 2018 жылы 249,4 млн. теңге бөлінді.
Өсімдік шаруашылығында өсімдіктердің өнім көлемі 102%-ға артып, әр гектардан 9,9 центнер дәнді дақыл, 182,1 центнер картоп,
286,4 центнер көкөніс өнім алынды.

Ауданда су қоры мол. 2019 жылы Лебяжье тармағының арнасын тазалау жолымен суармалы жерді 6,5 мың гектарға ұлғайту жоспарлануда. 2020 жылы «Алебастр» су қоймасын қайта құру арқылы (бүгінгі таңда жобалық-сметалық құжаттары әзірленуде) Алмасай және Айыртау ауылдық округтеріне суару жүйесін тарту жоспарланған, нәтижесінде суармалы жердің көлемі 8,5 мың гектарға ұлғаяды.
Сондай-ақ, 2020 жылы Азовое ауылдық округіндегі Қайыңды су бөгетін қалпына келтіру жоспарлануда, осылайша, суармалы жердің көлемі тағы
1 мың гектарға артады.

Ауданда 8 ірі және орта қайта өңдеу кәсіпорындары жұмыс істейді. «Багратион Ұлан» ЖШС сүт өнімдерінің 33 түрін шығарады, «Айтас МП» ЖШС құс етін қайта өңдеу жұмысын қарқынды жүргізуде. Өткен жылы 11% өсіммен 9 тонна ет өнімдері қайта өңделді. «ECO Product» ЖШС кәсіпорны 15 тонна қоян етін өндірді. «Бекон» ЖШС
500 тонна шошқа етін өндіріп, 2017 жылмен салыстырғанда өндіріс көлемін 45 тоннаға ұлғайтты. «Алтай» ЖШС 300 тонна қарақұмық жармасын қайта өңдеді.

Ауыл шаруашылығы мен кәсіпкерлікті дамыту мақсатында

2017-2022 жылдарға арналған инвестициялық карта әзірленіп, оған жалпы құны 24,5 млрд. теңге болатын 13 инвестжоба енді. Оның ішінде ауыл шаруашылығы бағытындағы 5 жоба 2018 жылы іске асырылды.

Ел Президентінің «Қазақстанның үшінші жаңғыруы: жаһандық бәсекеге қабілеттілік» Жолдауында қойылған міндеттерді жүзеге асыру мақсатында ауыл шаруашылық кооперативтерін құру бойынша жұмыстар жүргізілуде. Бүгінгі күні құрамына 586 жеке қосалқы шаруашылық кірген 23 кооператив құрылды, оның ішінде: 12 – сүт өнімі бағытындағы, 1 – ет, 2 – өндірістік, 8 – аралас бағыттағы шаруашылықтар.
«Бизнестің жол картасы – 2020» бағдарламасы аясында
2018 жылы жалпы соммасы 259 млн. теңгені құрайтын 6 жобаға субсидиялау түрінде мемлекеттік қолдау көрсетілді.

«Бастау Бизнес» бағдарламасы бойынша 200 адам сертификат алды, оның ішінде 76 адам Ауыл шаруашылығын қаржылық қолдау қорына несиелендіру үшін жолдама алды.
Азық-түлік тағамдарына бағаны тұрақтандыру мақсатында жергілікті атқарушы органдар мен кәсіпкерлер арасында негізгі әлеуметтік маңызды 19 азық-түлік тауарларына 10% сауда үстемесін орнату туралы 133 меморандумға қол қойылды.
Ұлан ауданы Өскемен, Астана, Алматы қалаларының жәрмеңкелеріне белсене қатысады. Есеп беру мерзіміне 52 жәрмеңке өткізілді (67 млн. теңге), оның ішінде 7 жәрмеңке көшпелі болды.

Ауданда туризмді дамытуға зор мүмкіндік бар. Саяхатшылар саны 74,5%-ға немесе 14 мың адамға көбейіп, 32 мың адамды құрады. Қызмет көрсету көлемі 192,5 млн. теңгені құрап, 44%-ға өсті.
Ауданда 18 туристік нысан жұмыс істейді. Жаңа демалыс базалары мен қонақтарды қабылдау орындарын ашу жұмыстары жүргізілуде.
Дубығалы көлінде жалпы құны 35,6 млн. теңге болатын
86 орындық «Окуньки» кемпинг-мейманханасының, құны 16,4 млн. теңгені құрайтын «Қараша» демалыс базасының құрылыс және абаттандыру жұмыстары аяқталды.
Сібе көлдері топтамасының 4-ші көлі – Қоржынкөлде «Жібек жолы» мейрамхана-кешенінің құрылысы жалғасуда. Жобаның жалпы құны 2 млрд. теңге, оның 200 млн. теңгесі игерілді. Жобаны 2025 жылға аяқтау жоспарлануда. Бүгінгі күні 50 орындық қонақ үй, жаздық және қыстық үлгідегі күркелер, судағы демалыс күркелері, санитарлық торап, себезгілер, киім ауыстыратын орындар, кинотеатр қолдануға беріліп, арқанжол орнатылды. 120 орындық кафе құрылысы жүргізілуде.
2018 жылы 3-ші көл – Шалқар көлінде ресми түрде «Сибины» дайвинг-орталығы ашылды. Клуб дайвинг үшін сынақтық батуды, жабдықтарды қолдануды үйрену және жалға алу сияқты қызмет көрсетудің кең спектрін ұсынады. Дайвинг-орталықтың ашылу құрметіне «Diving Fest-2018» фестивалі өткізілді. Ағымдағы жылы
40 төсек-орындық орталықтың құрылысын бастау жоспарланды, сметалық құжаттары әзірленуде. Іске асыру мерзімі – 2019-2021 жылдар. Жобалық құны – 10 млн. теңге.
2019 жылы «Елдос» ш/қ бастамасымен «Аблакетка» су қоймасында спорттық-әуесқойлық балық аулау клубын ашу жоспарлануда.
Сондай-ақ, Садыркөлде 100 төсек-орынды демалыс базасының құрылысы жоспарлануда. Жоба әзірлену сатысында. Құны 40 млн. теңге. Жүзеге асыру мерзімі – 2019-2021 жылдар.
Шыбындыкөл және Дубығалы көлдеріне дейін автокөлік жолдарын салу үшін құжаттамаларды әзірлеу жұмыстары жүргізілуде.
Тұрғындарды үймен қамтамасыз ету – өмір сапасының негізгі көрсеткіші және экономика дамуының факторы болып табылады.
Өткен жылы «Нұрлы жер» бағдарламасы бойынша жылдық құрылыс жұмыстарының көлемі 57,2%-ға артып 4 млрд. теңгені құрады. 4,6 м² тұрғын үй қолданысқа берілді.
Елді мекендерді орталықтанған, сапалы ауыз сумен қамтамасыз ету негізгі әлеуметтік жобалар қатарында. Бұл бағытта 2021 жылы аудандағы 47 елді мекеннің 22 ауылын немесе 78,1%-ын сапалы ауыз сумен қамтамасыз етуге бағытталған үш жылдық бағдарлама жасалды.
2018 жылы облыстық бюджеттен Қасым Қайсенов, Митрофановка, Саратовка, Каменка, Айыртау, Алмасай елді мекендерінің су құбырларына ағымдағы жөндеу жұмыстарын жүргізу үшін 96 млн. теңге бөлінді.
Украинка және Сағыр ауылдарына су құбырын салу бойынша құжаттар әзірленді, Герасимовка, Тарғын, Гагарино, Ново-Одесское ауылдарының құжаттары дайындалу үстінде.
Қасым Қайсенов кентінің тұрғындары үшін көкейкесті проблема болып табылатын «Айтас-энерго» ЖШС орталық қазандығының жылу механикалық құрылғысын қайта жөндеуге облыстық бюджеттен
118 млн. теңге қаражат бөлінді. Жобаның нәтижесінде 6 мың кент тұрғыны жылу энергиясының қажетті деңгейімен қамтамасыз етіледі.
Даниал Кенжетайұлы, Сіздің тапсырмаңызға сәйкес, 2019 жылы Өңірлерді дамыту бағдарламасы аясында Қасым Қайсенов кентін аббатандыруға облыстық бюджеттен 100 млн. теңге қарастырылған.
Сонымен қатар, 4-ші деңгейдегі бюджеті бар 9 ауылдық округтің елді мекендерін аббатандыру үшін әр округке 10 млн. теңгеден қаражат бөлінді. Қалған 7 округке жергілікті бюджеттен 5 млн. теңгеден қаражат қарастырылмақ.
Аудандық маңызы бар автокөлік жолдарын жөндеуге 111 млн. теңге бөлінді. Сондай-ақ, ауылдардың ішкі жолдарын жөндеуге 59 млн. теңге үстеме қаражат жұмсалды.
Өткен жылы жалпы көлемі 4,4 мың м² шұңқыр жөндеу, жалпы ұзындығы 73,15 км жолды қиыршық тас төсемімен жөндеп, қалпына келтіру, Герасимовка ауылындағы көпірді жөндеу, Мамай батыр және Азовое ауылдарына апаратын жолдардың су жүргізу құбырларын жөндеу жұмыстары жүргізілді.
«Республикалық трасса – Ұлан» автожолына, Герасимовка ауылына кіре беріс жолға жалпы құны 90 млн. теңгеге орташа жөндеу жүргізілді.
118,1 млн. теңгеге «Ост фиш» ЖШС зауытына апаратын автокөлік жолы салынды.

Бүгін жаңа еңбек нарығы қалыптасуда: жоғары білікті мамандардың мәртебесі көтерілуде, әрбір жұмыс орнының бағасы өсіп, жұмысшыларға және олардың жұмыс сапасына жоғары талаптар қойылуда. Нарық еріншек, әлжуаз және еңбекке икемі жоқ жалқауларды аямайды. Ол жинақылықты талап етеді, бәсеке қабілеттілік пен бастамашылдықты ынталандырады. Тұрғындарды сапалы жұмыспен қамтудың және мемлекеттік әлеуметтік бағдарламаларды мерзімінде орындаудың тізбекті жұмыстары жүргізілуде.
Өткен жылға жұмыспен қамтудың белсенді түріне 1737 адам тартылды, 640 жаңа жұмыс орны ашылды. Қоғамдық ақылы жұмыстарға 773 адам жолдама алды.
Әлеуметтік бағдарламаларды жүзеге асыруға және ауданның аз қамтылған отбасыларын қолдауға бөлінген бюджеттік қаражаттың көлемі 10%-ға өсіп, 149 млн. теңгені құрады.
Денсаулық сақтау көрсеткіштері аудан халқының жалпы сырқаттануының тұрақты төмендеуімен сипатталады. Туберкулез ауруы 59%-ға төмендеді. Өткен жылы ана өлімі тіркелген жоқ.
Алайда, сәби өлімі бойынша 3 жағдай тіркелді (2017 жылы – 1).
Біз халықтың өмір сүру сапасының жоғары болуын қамтамасыз ету үшін жұмыс атқарамыз. Заманауи технологиялар, жаңартпалар адами капиталды дамытудың сапалы жаңа деңгейін талап етеді. Сондықтан, білім сапасын көтеру, жастардың бәсекеге қабілетті болуына жағдай жасау – біздің жұмысымыздың басты бағыты болып табылады.

Мектепке дейінгі біліммен қамтылған 3-тен 6-жасқа дейінгі балалар үлесі 100%, 1жастан 6 жасқа дейінгі балалар – 75%-ды құрайды. Мектепке дейінгі балалар мекемесіне баруға ниет еткен 330 бүлдіршін кезекте тұр.
2018 жылы қазан айында Қасым Қайсенов кентінде 30 орындық «Асыл Ару» балабақшасы және Мамай батыр ауылында 30 орындық «Гуль-Дариға» балабақшасы ашылды.

Өткен жылы 253 оқушы мектеп бітіріп, Бірыңғай Ұлттық тестілеуге  185 түлек (73,1%) қатысты. 3 түлек «Алтын белгіге», 5 түлек « Өте жақсы аттестатқа» ие болды.
Ғаламтормен мектептер 100% қамтылды. 2018 жылы ғаламтор жылдамдығын арттыру үшін бюджеттен 6,4 млн. теңге бөлінді. Білім беру мекемелеріндегі интерактивті құралдар (тақта, проектор, панелдер) саны 180, компьютерлер – 1165, қамтылуы 100%-ды құрайды.

Даниал Кенжетайұлы, Сіздің бастамаңызбен жүзеге асып жатқан «Менің мектебім» акциясы бойынша 2018 жылы 10 мектептегі
20 кабинетке жалпы сомасы 106,6 млн. теңге тұратын жаңа түрлендіру жабдықтары сатып алынды. Оның ішінде: 5 физика кабинеті, 1 – химия,
4 – биология, 10 – робототехника кабинеттері.
Өткен жылы білім беру мекемелеріне ағымдағы жөндеу жұмыстарын жүргізуге 226,2 млн. теңге жұмсалды.
2018 жылы жаз мезгілінде сауықтырумен, демалыспен және жұмыспен барлық оқушылар қамтылды. Демалыс уақытында оқушылар Астана, Алматы, Курчатов, Қапшағай, Шымкент, Түркістан, Тараз қалаларына және Абай, Үржар аудандарына барды. Бір оқушы Италиядағы халықаралық лагерьде демалып қайтты. Туристік сапармен қамтылған оқушылардың үлесі 30% артты (2071 адам).

Ауданда салауатты өмір салтын ұстануға ерекше көңіл бөлінеді. Емделуге жұмсалатын қаражат шығынын азайту үшін азаматтарды дене шынықтыру және спортпен шұғылдануға тарту және алдын ала сауықтыру біздің міндетіміз болып табылады. Өткен жылы Дене шынықтыру және спортпен шұғылданатын тұрғындар саны 13,5 мың адамға жетті, бұл аудан тұрғындарының жалпы санының 34%-ын құрайды.
Спортпен шұғылданатын балалар мен жасөспірімдер саны өсті, жалпы білім беретін мекемелерде 270 спорт секциялары құрылып, жұмыс істеуде.
2018 жылы Түркия елінің Анталья қаласында өткен қол күресінен әлем чемпионатында Деши Дурсаева 18 жасқа дейінгі жасөспірімдер арасында топ жарса, Ораз Басаров 21 жасқа дейінгі жастар санатында және ересектер арасында жоғары шеберлік танытып, бірінші орынды иеленді. Осылайша Ораз Басаров үш дүркін, Деши Дурсаева екі дүркін әлем чемпионы атанды.
Астана қаласының 20 жылдығына арналған, Шығыс Қазақстан облысы әкімінің жүлдесі үшін өткізілген Халықтық спорт ойындарында Ұлан ауданының командасы 257 ұпаймен жүлделі екінші орынға ие болды.
2018 жылы Ұлан ауданының полиция бөлімінде 312 қылмыс тіркелді (2017 жылы – 348), бұл көрсеткіш 10,3%-ға төмендеді.
Соның ішінде: мал ұрлығы – 57 (2017 жылы – 44), өсім – 29,5%, Пәтер тонауы – 22 (2017 жылы – 53), азаю – 58,5%, тонау – 1 (2017 жылы – 4), азаю – 75%, Бұзақылық – 6 (2017 жылы – 10), азаю – 100%, 11 жол көлік апаты болып, 4 адам көз жұмыды.
2018 жыл Ұлан ауданы үшін жемісті, әрі сәтті жыл болды. Ұландықтар Астананың 20-жылдығын, Ұлан ауданының 90-жылдығын, батыр бабаларымыз: Қасым Қайсенов пен Николай Луттың 100-жылдық мерейтойларын жоғары деңгейде атап өтті.
Әлеуметтік-экономикалық даму динамикасы жалғасуда, 2017 жылы аудан даму динамикасы бойынша орташа аумақ қатарында болып, Шығыс Қазақстан облысы аудандарының ішінде 10 орында болды. 2018 жылдың қорытындысы бойынша Ұлан ауданы даму динамикасы жоғары аумақ қатарына қосылып, үшінші орынға көтерілді.
2019 жылға біз үлкен жоспарлар мен міндеттер көздеп отырмыз. Оның ішінде: тұрғын үй және мәдени-әлеуметтік нысандар құрылысын жалғастыру, инфрақұрылымды жақсарту, жаңа жұмыс орындарын ашу. Жастар жылы әлеуметтік-экономикалық дамуға жаңа шабыт, жаңа серпін бермек. Ол үшін қол жеткізген жетістіктерді баянды ету және көбейту, ынтымақпен бірлесіп, еліміздің ең басты құндылығы бейбітшілікті, бірлік пен татулықты сақтай отырып, аудан игілігі үшін жұмыс істеу қажет.

2019 жылға жоспар:

  • Жастар жылы Тұжырымдамасын жүзеге асыру;
  • Кеңес әскерінің Ауғаныстан жерінен шығарылғанына 30 жыл толуына орай іс-шаралар кешені;
  • Кеңес Одағының батыры, жерлесіміз Трофим Михайлович Клименконың 100 жылдығы;
  • Суармалы жер көлемін 6500 гектарға дейін ұлғайту;
  • Мемлекеттік жеке-меншік серіктестік бойынша Қасым ҚАйсенов кентінде бала бақша ашу;
  • Аудан орталығында екі 40 пәтерлі, бір 80 пәтерлі, көпқабатты үйлердің құрылысын бастау.

 

Мұрағат

  2018 жылғы есептері
  2017 жылғы есептері
  2016 жылғы есептері
  2015 жылғы есептері
  2014 жылғы есептері
Парақтар өзгертілді: 12-02-2019
Сайт әкімшісі
Серік Фариза Советқызы
Телефон: 8 (72338) 77-196
e-mail: f.serik@akimvko.gov.kz

Кенсе бөлімінің тел.: 8 (72338) 27-617
e-mail: kense_ulan@akimvko.gov.kz

071600 ШҚО, Ұлан ауданы,
Қасым Қайсенов кенті, Абай алаңы 5
Copyright © 2009-2019