• RU
  • KZ
  • EN

Мәдениет мекемелері

«Ұлан ауданының мәдениет және тілдерді дамыту бөлімі» мемлекеттік мекемесінің «Дарын» мемлекеттік коммуналдық қазыналық кәсіпорны

«Ұлан ауданының мәдениет және тілдерді дамыту бөлімі» мемлекеттік мекемесінің «Дарын» мемлекеттік коммуналдық қазыналық кәсіпорнының торабына 22 клуб мекемелері кіреді. Оның ішінде: 1 аудандық мәдениет үйі,  2 ауылдық мәдениет үйі  және 19 ауылдық клубтар.
Аталған клуб мекемелерінде 93 адам қызмет атқарады. Оның ішінде 20 адам жоғары білімді, 23 адам арнаулы- орта білімді, 50 адам орта білімді.

Заңды мекен-жайы:
071600; Қазақстан Республикасы Шығыс Қазақстан облысы Ұлан ауданы, Қасым Қайсенов кенті, Заки Ахметов көшесі, 26/1 үй Аудандық мәдениет үйі Телефакс 8 (72338) 27-393; 28-142.

Кәсіпорын директоры: Бақтыбаев Серік Құлымбекұлы,
білімі – жоғары, С. Аманжолов атындағы ШҚМУ –нің «Музыкалық білім» мамандығы және Шығыс Қазақстан мемлекеттік гуманитарлық колледжіін қазақ тілі мұғалімі мамандығы бойынша бітірген.

Директордың орынбасары: Хамитов Мурзат Бауыржанович,
білімі - жоғары, ҚАЕУ-дің құқықтану бакалавры бойынша және Астана қаласындағы ҚРУ-дың қаржы бакалавры бойынша бітірген.

Кәсіпорын әдіскері: Гүлмира Звентайқызы Нурғазина,
білімі – арнаулы – орта, Өскемен мәдени-ағарту училищесінің мәдени-ағарту жұмысы бөлімін 1985 жылы бітірген. Мамандығы – мәдени-көпшілік шаралар режиссеры

Театр режиссері: Мәрия Рахымбекқызы Калиева,
білімі – арнаулы – орта, Өскемен мәдени-ағарту училищесінің мәдени-ағарту жұмысы бөлімін 1983 жылы бітірген. Мамандығы – мәдени-ағарту жұмыстарын ұйымдастырушы.

Мәдениет мекемелеріМатериалдық-техникалық базасы:
2014 жылы мәдени-демалыс шараларын қолдау қызметі үшін клуб мекемелеріне аудандық бюджеттен 96378,0 мың теңге бөлінді, оның ішінде:
мәдени-көпшілік шараларды жақсартуға 5350,0 мың теңге, материалдық-техникалық базаны нығайтуға 5415,0 мың теңге бөлінді.
Ауылдық елді мекендерде халыққа сапалы мәдени қызмет көрсетуді дамыту мақсатында биылғы жылы Привольное мен Асубұлақ ауылдық клубтары құрылысының жобалық сметалық құжаттарын дайындау жоспарланып отыр.
Клуб мекемелері заман талабына сай музыкалық, дыбыс күшейткіш аппаратураларымен, жарықтандыру құралдарымен, сахналық киімдермен, саз аспаптарымен, техникалық құрал-жабдықтарымен, кеңсе жиһаздарымен жабдықталған. 2008 жылы «Мұрагер» музыка аспаптарын жасау шеберханасы ашылған. Аталған қызметті шебер, Республикалық «Үкілі домбыра» саз аспаптарын жасау шеберлері байқауының жүлдегері, әнші, термеші, облыстық, халықаралық, аймақтық әншілер байқауларының бірнеше дүркін лауреаты Амангелді Смагулов атқаруда. Бүгінгі таңда аудан көлеміндегі клуб мекемелеріне қажетті музыкалық аспаптар өз шеберханамыздан жасалып таратылуда. Сондай-ақ, сынған аспаптар қалпына келтірілуде.

Халық шығармашылығы
Аудандағы клуб мекемелерінде 1196 адамды қамтыған 108 үйірмелер жұмыс істейді. Ауыл тұрғындарының арасынан шыққан өнерпаздардан құралған «Халықтық» атағы бар 7, «Үлгілі» атағы бар 1 шығармашылық ұжым бар. Олар:

  1. «Таврия» орыс әндері хоры;
  2. «Бескөл» фольклорлық ансамблі;
  3. «Ұлан» драма театры;
  4. «Тамаша» әзіл-сықақ театры;
  5.  Айыртау драма театры;
  6. «Надежда» вокалдық тобы;
  7. «Перезвон» ансамблі;
  8. «Щелкунчик» үлгілі балалар театры.

Мәдени-көпшілік шараларды ұйымдастыру
Дәстүрлі әрі, міндетті түрде атап өтілетін мемлекеттік мереке-мейрамдардан басқа мәдени шараларды атап айтсақ, аудандық мәдениет үйінде облыстық мәдениет қызметкерлерінің коллегиясы, «Мәңгілік ел» идеясын қолдау акциясы, Кеңес әскерлерінің Ауған жерінен шығарылғанына 25 жыл толуына арналған мерекелік шара, «Ардақтымыз, асылымыз бір өзің» атты халықаралық әйелдер күніне арналған мереке, аудандық дәстүрлі әншілер байқауы, Пайғамбар Мұхамедтің туған күніне орай, мәуліт мерекесіне арналған «Асыл дініміз бен дәстүріміз» атты аймақтық ақындар айтысы, Халық Қаһарманы Қасым Қайсеновтың туған күніне арналған мәдени шара, «Әнге қосам сені, туған ел» атты Г.Қасенованың шығармашылық кеші, «Өмірін өнерменен өрнектеген» атты Б.Абдрахмановтың бенефисі, «Тыныштық қырандары» атты ҚР полициясы күніне арналған концерттік бағдарлама өткізілді. Астана күніне орай «Балалық шағымның аспаны» киноыильмінің көрсетілімдері ұйымдастырылды. «Ұлан» халықтық драма театры күлкі күніне орай М.Қасеновтың «Пай-пай, жас жұбайлар-ай» атты комедиясын сахналады.
Айыртау ауылдық клубында «Өзіңе-өзің сыншысың»- жастармен сұхбат және би кеші, Халықаралық әйелдер күніне арналған «Ма ма мия» атты жанұялық сайыс және мерекелік концерт, Бозанбай ауылдық мәдениет үйінде «Екі жұлдыз»-шоу бағдарламасы, «Сұлулықты бағалайық» атты қыз сыны байқауы, Гагарино, Герасимовка ауылдық клубтарында, Таврия ауылдық мәдениет үйінде Масленица, Рождество мерекелері, Сағыр ауылдық клубында «Көктем аруы-2014» байқауы, Ұлан ауылдық клубында «Жас талант» атты Егінсу ауылдық округі бойынша әңшілер байқауы, Герасимовка ауылдық клубында А.Құнанбаевтың шығармашылығына арналған әдеби-музыкалық кеш, Донское ауылдық клубында.«Эскиз» би тобының есептік концерті, «Жас қанат» жас әншілер байқауы өтті.
Жастардың бос уақытын дұрыс ұйымдастыру үшін негізінен демалыс кештері мен дискотекалар, флэш-моб, КТК, караокемен ән айту сияқты шаралар барлық клубтарда ұйымдастырылып тұрады.
Гастрольдік сапарлар арқылы мәдени байланыспен тәжірибе алмасу үрдісін дамытуда аудандық мәдениет үйінің өнерпаздары Барнаул қаласында және Өскемен құс фабрикасында өткен Наурыз мерекесіне қатысып қайтты. Аудандық мәдениет үйінің «Тамаша» халықтық әзіл-сықақ театры Бозанбай, Герасимовка, Айыртау ауылдарында, Глубокий ауданының Алтайский елді мекенінде концерттік бағдарлама берді. Сондай-ақ, мәдениет үйінің бір топ өнерпаздары 2014 жылдың 20-24 маусымы аралығында Қытай Халық Республикасының Шәуешек қаласында өткен бал фестиваліне концерттік бағдарламамен қатысып қайтты.
Ауылдық клубтар арасында да тәжіріибе алмасу концерттері өткізіліп, Ново-Азово ауылдық клубының көркемөнерпаздары Таврия ауылының, тавриялық өнерпаздар Герасимовка ауылының жұртшылығына өз өнерлерін ұсынды.
Аудан өнерпаздары 2014 жылы 26 шілдеде Өскемен қаласында «Туған ел-алтын бесігім» акциясы аясында жыл сайын өткен Ұлан ауданының мәдени күндеріне қатысты. Биыл акция Елбасы Н. Ә. Назарбаевтың жариялаған «Қазақстан жолы – 2050: Бір мақсат, бір мүдде, бір болашақ» атты Қазақстан халқына Жолдауының аясында өтуде. Бұл күні «Фреш маркет» сауда кешенінде ауылшаруашылық жәрмеңкесі және жәрмеңкеге келушілерге арналған мерекелік концерт ұйымдастырылды. Кешкі сағат 18.00 - де Жамбыл атындағы драма театрында Ұлан ауданы мәдениет қызметкерлерінің күшімен дайындалған «Мәңгілік елдің нұрлы болашағы» атты концерттік бағдарлама қойылды. Концертке 82 өнерпаз қатысып, 500 – дей көрерменді қамтыды.
Клуб қызметкерлеріне методикалық көмек көрсету және клуб мекемелерінің жұмысын жетілдіру мақсатында аудандық мәдениет қызметкерлерінің семинарлары үнемі өткізіліа тұрады. Семинар-кеңестерді ауылдық клубтарда өткізу дәстүрге айналды. Бұл- ауылдық клуб қызметкерлерінің бір-бірімен тәжірибе алмасуына ықпалын тигізуде. Семинарлар барысында кітап көрмелері, стендтер, буклеттер ұйымдастырылып, әртүрлі мәдени шаралардың сценарилері таратылды. «Мемлекеттік мереке-мейрамдардың тұжырымдамасы», «Клуб жұмысының
инновациялық формалары», «Қара жорға-гимнастикалық жаттығуы» атты шағын нұсқаулық кітапшалар мен дисктер таратылды.
Ауданның мәдениет мекемелері мәдени шараларды ұйымдастыруда және өткізуде, ауданның мәдени өміріне жастарды тартуды, олардың шығармашылық және жеке қабілеттерін, эстетикалық танымдарын дамытуды негізге ала отырып жұмыс жасауда. Мысалы, Сабырбаева Аяулым, Тұрғынбаева Динара, Тащанова Айгерім, Бақытгүл, Еркегүл Еркінбекқызы, Айсұлу Стамбаева, Мәди Асқарбеков сияқты жас өнерпаздар мен аудандық жастар орталығының қызметкерлері аудан, облыс көлемінде өтіп жатқан мәдени шараларға үнемі қатысып жүр. Биыл Тарбағатай ауданында өткен Сембай Жансақовтың 60 жасқа толуына орай өткізілген облыстық ақындар айтысына Герасимовка ауылының тұрғыны жас ақын Алпыс Жақиянов қатысып қайтты.

  • Мәдениет мекемелері
  • Мәдениет мекемелері
  • Мәдениет мекемелері

Клуб мекемелерінің жұмысын жетілдіру, инновациялық формаларды енгізу
Жыл басынан бері барлығы 2075 мәдени шаралар өткізіліп, 145250 көрерменді қамтыды. Клуб мекемелерінің жұмысын жетілдіру және жаңа қызмет түрлерін енгізу мақсатында «Сағыныш саздары» ретро концерт «Алтыбақан» бағдарламасы, «Алтын сақа» интеллектуалдық ойын бағдарламасы, «Заманына сай келін», «КТК», «Жас талант», «Әзілкештер», «Ұлан аруы» байқаулары, «Сол бір кез әуендері» патриоттық әндер кеші, көгілдір от, халықтық мерекелер, мерекелік концерттер, демалыс кештері, би кештері, сахналық көріністер, дөңгелек үстелдер, пікір-таластар, кездесу кештері, спектакльдер, театрланған көрініс, сахналық қойылымдар, «Тамаша» әзіл сықақ театрының сахналық қойылымдары ұйымдастырылып өткізілді.
«Ұлан» халықтық драма театры С. Балғабаевтың «Ең жақсы еркек немесе әйелдер әлемі» трагикомедиясын Қадиша Мұқанның «Мәңгілік махаббат» драмасын сахналап, көрермендердің ыстық ықыласына бөленді.
Қазақстан Республикасының „Мәдениет қайраткері“, әнші Гуля Касенованың шығармашылық ән кеші Бозанбай ауылында өткізілсе, облыстық, Халықаралық әншілер байқауларының бірнеше дүркін лауреаты, Республикалық „Үкілі домбыра“ саз аспаптарын жасау шеберлері байқауының лауреаты Амангелді Смагуловтың 50 жасқа толуына орай „Жан серігім – домбыра“ атты шығармашылық ән кеші Ұлан ауданының орталығы Қасым Қайсенов кентіндегі аудандық мәдениет үйінде өткізілді. Сондай-ақ, әнші, сырнайшы Марат Баранчиновтың шығармашылық ән кеші де Қасым Қайсенов кентіндегі аудандық мәдениет үйінде өткізілді.

Халық рәсімдері мен дәстүрлерін жаңғырту және дамыту
Халық рәсімдері мен дәстүрлерін жаңғырту және дамыту бағытында ұмыт қалып бара жатқан ұлттық салт-дәстүрлерді жаңғырту үшін «Наурыз» мейрамында «Ең әдемі бұрым», «Ең үлкен шелпек» «Ең үлкен және ең кішкене бауырсақ», «Қара жорға» биінен жарыс, «Жарапазан» айту сайысы, «Ұлттық киім», «Ұлттық дастархан», қолөнер көрмелері сайыстары ұйымдастырылды. Сондай-ақ, «Конституция күні», «Тәуелсіздік күні», мерекелерінде дәстүрлі ұлттық ойындар ұйымдастырылып, «Қыз ұзату», «Келін түсіру», «Беташар», «Сырға салу», «Тұсау кесу», «Құрсақ шашу», «Бастаңғы», «Бесікке бөлеу» секілді ұлттық салт- дәстүр рәсімдері театрландырылған көрініс ретінде көрсетілді.
Орыс, неміс халықтарының мейрамдары – Рождество шыршасы, «Широкая масленница», «Святая пасха» мерекелерінде халық дәстүрі бойынша блины тағамы үлестіріліп, 3 богатырьлар, воевода, вельможа,ангелдер, скоморох, глашатай кейіпкерлері сахнаға шығарылып, түрлі ұлттық ойындар ұйымдастырылды.

Жетістіктері:
2011 жылы аудандық мәдениет үйінің „Бескөл“ халықтық фольклорлық ансамблі мен Донское ауылдық клубының „Перезвон“ халықтық ансамблі Павлодар қаласында өткен „Ертіс-достық мекені“ атты халықаралық өнер байқауына қатысып, дипломат атағына ие болып қайтса, Таврия ауылдық мәдениет үйінің халықтық хор ұжымы Семей қаласында өткен орыс әндері фестиваліне қатысып, дипломат атанды. 2012 жылы аудандық мәдениет үйінің „Ұлан“ халықтық драма театры облыстық халық театрлары байқауына қатысып ІІІ-орынға ие болды.
Зырян қаласында „Туған жер-алтын бесігім“ акциясы аясында өткен Гала-концертте Ұлан ауданы алдыңғы қатарлы 5 номинациясының ішінде „Ең үздік фольклор“ номинациясына ие болды.

  • Мәдениет мекемелері
  • Мәдениет мекемелері
  • Мәдениет мекемелері
  • Мәдениет мекемелері

 

Парақтар өзгертілді: 06-06-2017
Сайт әкімшісі
Тороханова Арай Амамбаевна
Телефон: 8 (72338) 27-196
e-mail: a.torokhanova@akimvko.gov.kz

Кенсе бөлімінің тел.: 8 (72338) 27-617
e-mail: kense_ulan@akimvko.gov.kz

071600 ШҚО, Ұлан ауданы,
Қасым Қайсенов кенті, Абай алаңы 5
Copyright © 2009-2017